Arsip ajang kreativitas paud 2021, tingkat TK beberapa video kiriman


 


on Tidak ada komentar:

lanjutan ajang kreativitas paud 2021, tingkat KB


                                             mencap bahan alam


                                            menanyi lagu donanan



on Tidak ada komentar:

Ajang Kreativitas PAUD 2021, tingkat KB

                                            bercerita dengan gambar

 

                                            bergerak sesuai irama

                                            melukis dengan jari
on Tidak ada komentar:

contoh atur pambagyoharjo modern

 

Atur Pambagyaharja Sederhana Mudah Diingat

Assalamualaikum Warahmatullahi Wabarakatuh

Para sesepuh, pini sepuh ingkang satuhu kinabekten
Bapak Ibu para tamu ingkang kinurmatan.

Sumangga kita tansah ngunjukaken raos  puji  syukur wonten Ngarsa Dalem Allah SWT, ingkang sampun paring berkah kanikmatan kesehatan dumateng kula lan panjenengan sami. Sahinggo  saged kempal manunggal wonten gedung adiwangsa hotel meniko kanthi wilujeng mboten alangan satungal punopo.


Para Bapak-Ibu, sakderengipun kulo matur, ing mriki kawulo pinongko wakil saking  Bapa Yamto sakaluarga  dados talanging atur wonten adicara atur Pambagyaharja.

Bapak Ibu ingkang kinormatan,
Bapa Yamto ingkang sepindah ngaturaken pambagya sugeng rawuh. Saha ngaturaken agenging panuwun dumateng bapa  ibu sedaya ingkang sampun kersa hangrawuhi saha paring donga pangestu wilujeng dumateng Sri Penganten kekalih sumarambah dumateng sanak kadang sedaya.

Bapa Yamto sakaluarga wonten ing dinten punika ngaturi rawuh panjenengan sedaya nun inggih amargi badhe nyuwun tambahing doa lan pangestu. Bilih wonten ing dinten punika Bapa Yamto sakaluarga  hanetepi dharmaning tiyang sepuh, malakramaaken saha mahargya putra-putrinipun ingkang asesilih Rara Ayu Nita Puspita Sari dhaup kaliyan Bagus Fathan ingkang ki dalem wonten ing Wonosobo.

Para bapak  ibu bilih akad nikahipun temanten sarimbit sampun kalampahan kala wau tabuh wolu wekdal nuswantara.

Sapindah malih, Bapa Yamto sakaluarga estu nyuwun tambahing pandonga. Mugi-mugi risang temanten sarimbit saged dados keluarga ingkang ayem tentrem, sageda antut runtut reruntungan dumugining kaken ninen, rahayu widodo kalis ing sambikala.
 
 
Bapa Ibu Ignasius Sarono ngaturaken agenging panuwun dumateng para sederek, ugi  tangga tepalih  ingkang sampun  paring pambiyantu, ingkang awujud puna kemawon, sahengga saget kaleksanan menggah acoro ing siang puniko. mugi-mugi sedaya pambiyantu lan kesaenan panjenengan sedaya, pikantuk piwales  ingkang sakalangkung kathah saking Gusti Ingkang Maha Mirah.

Ingkang pungkasan, bapa Yamto sakaluarga nyuwun pangapunten mbok bilih anggenipun ngaturi palenggahan, pasugatan, saha nanggepi rawuh para tamu, dereng saged dadosaken suka renaning penggalih bapak-ibu sedaya.

Minangka pungkasaning atur, mbok bilih anggen kula matur kathah atur ingkang mboten mranani dumateng panjenengan,  kula mawantu-wantu nyuwun agenging samodra pangaksami.

Nuwun matur nuwun,
Wassalamualaikum Warahmatullahi Wabarakatuh!
on Tidak ada komentar:

contoh Atur pambagyoharjo ringkes

 Assalamu ‘alaikum Wr. Wb.

-      Para Sesepuh Pinisepuh, ingkang satuhu kula bekteni
-      Para Rawuh Kakung sumawana putri ingkang kinurmatan

Sakderengipun kula matur menggah wigatosing sedya wonten kelenggahan punika, sumangga panjenengan sedaya kula derek-aken ngunjuk-aken raos syukur dumateng ngarsanipun Gusti Ingkang Maha Kawasa, awit saking peparing ni’mat saha berkahipun, panjenengan dalasan kula saget makempal manunggal, wonten papan punika kanthi wilujeng mboten wonten alangan satunggal punapa.

Para Rawuh Kakung Sumawana Putri ingkang minulya.
Kula minangka talanging basa saking panjenenganipun Bapa Ignasius.......o, S.Pd dalasan Ibu Dra. Christiana ....., M.Pd, ingkang pidalem ing ........, wonten kalenggahan punika kepareng matur :

Sepisan, bilih Bapa Ibu Iganasius ..... ngaturaken syukur dumateng ngarsanipun Gusti Ingakang Maha Kawasa, awit  saking Berkahi-pun, saha donga pangestu panjenengan sedaya, sampun kalampahan nindakaken kuwajiban nikah-aken putra putrinipun ingkang sesulih Bagus....  ......, S.Pd,  dhaup kaliyan Rara ........, ST putrinipun Bapa ..... – Ibu ....,  Saking ..... Ngayogyakarta Hadiningrat.
Wondene Ijab Suci sampun kalampahan dinten Jum’at Kliwon, 18 Agustus 2017, tabuh 19.00, wonten Gereja Katholik Santa Perawan Maria Di-Fatima Sragen kanthi wilujeng nir ing sambikala.
Sak-lajengipun wekdal punika Bapa Ibu Ignasius Sarono ngawontenaken Pahargyan prasaja minangka wujud syukur dumateng ngarsanipun Gusti Ingkang Maha Mirah.

Kaping Kalih, Bapa Ibu Ignasius Sarono sak-kulawarga, kanthi bingahing manah ngaturaken sugeng rawuh, sarta matur agenging panuwun katur para rawuh sedaya, ingkang sampun kersa hangrawuhi, hanjenengi saha paring donga pangestu wilujeng dumateng Sri Penganten kekalih sumarambah dumateng sanak kadang sedaya.

Angka Tiga, Bapa Ibu Ignasius Sarono ngaturaken agenging panuwun ingkang tanpa pepindan dumateng para sederek, kadang kadeyan pamong mitra, tangga tepalih saha para kadang taruna sedaya, ingkang sampun kanthi lila legawaning manah paring pambiyantu, ingkang awujud puna kemawon, sahengga saget kaleksanan menggah hajatipun.
Bapa Ibu Ignasius Sarono mboten saget ngaturi piwales, sagetipun namung nenuwun, mugi-mugi sedaya pambiyantu lan kesaenan panjenengan sedaya, pikantuk piwales sih kanugrahan ingkang sakalangkung kathah saking Gusti Ingkang Maha Mirah.

Kaping Sekawan, Bapa Ibu Ignasius Sarono sakulawarga nedya nyuwun panjenengan sedaya kersa-a paring donga pangestu, mugi-mugi Sri Penganten kekalih sageda ngleksanani kekudangan para pinisepuh sedaya. Tundonipun dados kulawarga ingkang Bagya Mulya lahir batin, enggal pikantuk momongan, ugi penganten sekalian, mbenjangipun sageda antut runtut reruntungan dumugining kaken ninen, rahayu widodo kalis ing sambikala.

Para Rawuh kakung sumawana putri ingkang kinurmatan.
Sinaosa Bapa Ibu Sarono sampun hangrantam, hangracik sedayanipun kanthi saestu, namung kasunyatan tasih kathah kekirangan lan nguciwani.Awit saking punika, mbok bilih anggenipun mapanaken palenggahan saha caos bojakrama kirang nuju prana, kersa-a para tamu paring samodra pangaksami.
Dumateng para tamu keparenga anglajengaken lelenggahan kanthi mardika mardikaning manah, sinambi hangrahabi daharan utawi unjukan ingkang sampun kasediya-aken, ugi sinambi midangetaken pasugatan arupi music organ, ngantos purnaning pawiwahan.

Minangka pungkasaning atur, mbok bilih anggen kula matur kathah atur ingkang mboten mranani dumateng panjenengan, saha kirang trapsila, kula mawantu-wantu nyuwun agenging samodra pangaksami.

Nuwun. Matur Nuwun

Wassalamu ‘alaikum wr. Wb.

on Tidak ada komentar:

Atur pambagyo harjo ringkes

 

Atur Pambagyaharja Sederhana Mudah Diingat

Assalamualaikum Warahmatullahi Wabarakatuh

Alhamdulillah hirabbil 'alamin
Asyhadu Alla illa hailallah
WaasyhaduannaMuhammadarrasulullah
Allahumma Sholi'ala Muhammad wa Ala 'Ali Muhammad
Amma Ba'du.

Para sesepuh, pini sepuh, saha alim ulama ingkang satuhu kinabekten
Para pangemban pangembating praja satrianing nagari ingkang pantes sinudarsana.
Bapa Yamto sakaluarga tiyang ingkah hamengkugati,
Bapa Komarudin sapendherek saking Wonosobo,
Sagung para tamu, kakung sumawana putri ingkang kinurmatan.

Sumangga kita tansah angunjuaken raos puja puji lan syukur wonten Ngarsa Dalem Allah SWT, ingkang sampun paring taufiq, hidayah, saha inayah dumateng kula lan panjenengan sami. Satemah saged kempal manunggal wonten dalemipun bapa Yamto kanthi wilujeng, widodo, ancas ing sambikala.

Shalawat ugi salam mugi-mugi tansah kaparingaken dumateng Nabi Ageng Muhammad SAW, Nabi ingkang dados "suri tauladan" dumateng kula lan panjenengan sami.

Para Bapak-Ibu, kula Rahma Huda Putranto cumanthaka lumarap atur anggempil kamardikaning suwasana bilih wonten ing siang menika Bapa Yamto sakaluarga paring dawuh dumateng kawula kinen dados talanging atur wonten adicara atur Pambagyaharja.

Pramila, Bapa Yamto ingkang sapisan ngaturaken pambagya sugeng rawuh. Saha ngaturaken agenging panuwun awit rawuhipun bapa lan ibu sedaya.

Bapa Yamto sakaluarga wonten ing dinten punika ngaturi rawuh panjenengan sedaya nun inggih amargi badhe nyuwun tambahing doa lan pangestu. Bilih wonten ing dinten punika Bapa Yamto sakaluarga nembe hanetepi dharmaning tiyang sepuh, malakramaaken saha mahargya putra-putrinipun ingkang asesilih Rara Ayu Nita Puspita Sari ingkang dipundhaupaken kaliyan Nak Mas Bagus Fathan ingkang ki dalem wonten ing Wonosobo.

Para bapak saha ibu bilih akad nikahipun temanten sarimbit sampun lumaksana kala wau tabuh wolu wekdal nuswantara.

Sapindah malih, Bapa Yamto sakaluarga estu nyuwun tambahing pandonga. Mugi-mugi risang temanten sarimbit saged dados keluarga ingkang Sakinah, Mawaddah, Warahmah. Amin, Amin Ya Rabbalalamin.

Ingkang pungkasan, bapa Yamto sakaluarga nyuwun pangapunten bilih anggenipun paring palenggahan, pasugatan, saha nanggepi rawuh para tamu dereng saged dadosaken suka renaning penggalih bapak-ibu sedaya.

Punika ingkang saged kawula aturaken, 94 punjul enem, menawi lepat nyuwun ngapunten.

Nuwun matur nuwun,
Wassalamualaikum Warahmatullahi Wabarakatuh!

on Tidak ada komentar:

Contoh atur pambagyo harjo

Contoh,  Atur Pambagyo harjo
 
 
Assalamu ‘alaikum Wr. Wb.

-       Para Sesepuh Pinisepuh, ingkang satuhu kula bekteni
-       Bapak Ibu para Rawuh Kakung putri ingkang kinurmatan 
 

Sakderengipun kula matur menggah wigatosing sedya wonten kelenggahan punika, sumangga panjenengan sedaya kula derekaken ngunjukaken raos syukur dumateng ngarsanipun Allah SWT,  awit saking peparingipun ni’mat saha Ridlanipun, panjenengan dalasan kula saget makempal, silaturahim, wonten papan punika kanthi wilujeng mboten wonten alangan satunggal punapa.

Para Rawuh Kakung Sumawana Putri ingkang minulya.
Kula minangka talanging basa saking panjenenganipun Bapak ............. dalasan Ibu ...... wonten kalenggahan punika kepareng matur :

ingkang sepindah, Bapak Ibu .......... ngaturaken syukur Alhamdulillah dumateng ngarsanipun Allah SWT, awit saking Berkah Ridlanipun, saha donga pangestu panjenengan sedaya, sampun kalampahan nindakaken kuwajiban nikahaken putra putrinipun ingkang sesulih Bagus............. dhaup kaliyan ..... putri panjenenganipun  Bapa .......... – Ibu ..... ingkang pidalem wonten ing ..................

Wondene Ijab Qobulipun sampun kalampahan kala wingi, dinten ........., 17 November, watawis tabuh ....., mapan wonten ............. kanthi wilujeng nir ing sambikala.
Sak-lajengipun wekdal punika Bapa Ibu .......... ngawontenaken Pahargyan  minangka wujud syukur dumateng ngarsanipun ALLAH SWT.

Kaping Kalih, Bapa Ibu ........... sak-kulawarga, kanthi bingahing manah ngaturaken sugeng rawuh, sarta matur nuwun katur para rawuh sedaya, ingkang sampun kersa hangrawuhi acara puniko,  saha paring donga pangestu wilujeng dumateng Sri Penganten kekalih sumarambah dumateng sanak kadang sedaya.

Angka Tiga, Bapa Ibu ........ ngaturaken agenging panuwun ingkang tanpa pepindan dumateng para sederek,  tangga tepalih saha para kadang taruna sedaya, ingkang sampun paring pambiyantu, ingkang awujud puna kemawon, sahengga saget kaleksanan menggah hajatipun bapa ibu......

Mugi-mugi sedaya pambiyantu lan kesaenan panjenengan sedaya dados amal sholeh, pikantuk piwales sih kanugrahan ingkang sakalangkung kathah saking Gusti ALLAH Ingkang Maha Mirah.

Kaping Sekawan, Bapa Ibu ................... sakulawarga,  nyuwun panjenengan sedaya kersa a paring donga pangestu , mugi-mugi Sri Penganten kekalih sageda ngleksanani kekudangan para pinisepuh sedaya. Tundonipun dados keluarga ingkang ayem tentrem (SAKINAH, MAWADDAH, wa ROHMAH, kanthi Ridlaning ALLAH SWT.) Enggal pikantuk momongan ingkang (sholeh lan sholihah), Ugi penganten sekalian, mbenjangipun sageda antut runtut reruntungan dumugining kaken ninen, rahayu widodo kalis ing sambikala. Amin.

Bapak/Ibu pinisepuh sesepuh, 
Para Rawuh kakung sumawana putri ingkang kinurmatan.
Sinaosa Bapa Ibu ........ sampun hangrantam, hangracik sedayanipun kanthi saestu, namung mbok bilih tasih wonten ingkang kasunyatan tasih ingkang nguciwani. Awit saking punika, mbok bilih anggenipun mapanaken palenggahan saha caos bojakrama kirang nuju prana, kersa-a para tamu paring samodra pangaksami.

Dumateng para tamu keparenga anglajengaken lelenggahan kanthi mardika mardikaning manah, sinambi hangrahabi daharan utawi unjukan ingkang sampun kasediyaaken, ngantos purnaning pawiwahan.

Minangka pungkasaning atur, mbok bilih anggen kula matur kirang mranani dumateng bapak ibu sedoyo,  kula mawantu-wantu nyuwun agenging samodra pangaksami.

Akhirul kalam, billahittaufiq wal hidayah.
Wassalamu ‘alaikum wr. Wb. Nuwun.
on Tidak ada komentar:
Langganan: Postingan (Atom)